第五章 保障与监督
ལེའུ་ལྔ་པ། འགན་སྲུང་དང་ལྟ་སྐུལ་བྱེད་ཕྱོགས་སྐོར།
第四十一条 坚持和完善党委统一领导、政府依法管理、统一战线工作部门牵头协调、民族工作部门履职尽责、各部门通力合作、全社会共同参与的民族工作格局，健全民族工作协调机制。
དོན་ཚན་ཞེ་གཅིག་པ། ཏང་ཨུས་གཅིག་གྱུར་འགོ་ཁྲིད་དང་། སྲིད་གཞུང་གིས་ཁྲིམས་ལྟར་དོ་དམ། འཐབ་ཕྱོགས་གཅིག་གྱུར་ལས་དོན་སྡེ་ཁག་གིས་སྣེ་ཁྲིད་མཐུན་སྦྱོར། མི་རིགས་ལས་དོན་སྡེ་ཁག་གིས་རང་འགན་བརྩོན་སྒྲུབ། སྡེ་ཁག་ཁག་གིས་ཤུགས་སྒྲིལ་མཉམ་ལས། སྤྱི་ཚོགས་ཡོངས་མཉམ་དུ་ཐེ་ཞུགས་བཅས་བྱེད་པའི་མི་རིགས་ལས་དོན་གྱི་བཀོད་པ་རྒྱུན་འཁྱོངས་དང་འཐུས་ཚང་དུ་བཏང་སྟེ། མི་རིགས་ལས་དོན་གྱི་མཐུན་སྦྱོར་ལམ་སྲོལ་ཆ་ཚང་དུ་གཏོང་རྒྱུ།
中央统一战线工作部门、国务院民族工作部门负责全国铸牢中华民族共同体意识、促进民族团结进步等工作的统筹协调和督促落实。地方各级统一战线工作部门、民族工作部门负责本地区铸牢中华民族共同体意识、促进民族团结进步等工作的协调推动、组织实施和督促落实。
ཀྲུང་དབྱང་འཐབ་ཕྱོགས་གཅིག་གྱུར་ལས་དོན་སྡེ་ཁག་དང་རྒྱལ་སྲིད་སྤྱི་ཁྱབ་ཁང་ཁོངས་མི་རིགས་ལས་དོན་སྡེ་ཁག་གིས་རྒྱལ་ཡོངས་ཀྱི་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པ་དང་མི་རིགས་མཐུན་སྒྲིལ་ཡར་ཐོན་ལ་སྐུལ་སྤེལ་གཏོང་བ་སོགས་ཀྱི་ལས་དོན་གཅིག་འདོམས་མཐུན་སྦྱོར་དང་དོན་འཁྱོལ་སྐུལ་སྒྲུབ་བྱེད་པའི་འགན་འཁུར་དགོས། ས་གནས་ཀྱི་རིམ་པ་ཁག་གི་འཐབ་ཕྱོགས་གཅིག་གྱུར་ལས་དོན་སྡེ་ཁག་དང་མི་རིགས་ལས་དོན་སྡེ་ཁག་གིས་ས་ཁུལ་དེ་གའི་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པ་དང་མི་རིགས་མཐུན་སྒྲིལ་ཡར་ཐོན་ལ་སྐུལ་སྤེལ་གཏོང་བ་སོགས་ཀྱི་ལས་དོན་མཐུན་སྦྱོར་སྐུལ་འདེད་དང་། ལག་བསྟར་སྒྲིག་འཛུགས། དོན་འཁྱོལ་སྐུལ་སྒྲུབ་བཅས་བྱེད་པའི་འགན་འཁུར་དགོས།
第四十二条 中央和国家机关各部门、地方各机关各部门在各自职责范围内开展铸牢中华民族共同体意识、促进民族团结进步工作。各机关对在本单位内发生的破坏民族团结进步的行为应当及时予以制止。
དོན་ཚན་ཞེ་གཉིས་པ། ཀྲུང་དབྱང་དང་རྒྱལ་ཁབ་ལས་ཁུངས་ཀྱི་སྡེ་ཁག་ཁག་དང་། ས་གནས་ཀྱི་ལས་ཁུངས་ཁག་དང་སྡེ་ཁག་ཁག་གིས་སོ་སོའི་འགན་འཁྲིའི་ཁྱབ་ཁོངས་སུ་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པ་དང་། མི་རིགས་མཐུན་སྒྲིལ་ཡར་ཐོན་ལ་སྐུལ་སྤེལ་གཏོང་བའི་ལས་དོན་སྤེལ་དགོས། ལས་ཁུངས་ཁག་གིས་སྡེ་ཚན་དེ་གའི་ནང་བྱུང་བའི་མི་རིགས་མཐུན་སྒྲིལ་ཡར་ཐོན་ལ་གཏོར་བརླག་གཏོང་བའི་བྱ་སྤྱོད་དུས་ཐོག་ཏུ་བཀག་འགོག་བྱེད་དགོས།
公职人员在履行职责和日常生活中，应当发挥铸牢中华民族共同体意识、促进民族团结进步的模范带头作用。
གཞུང་དོན་མི་སྣས་འགན་འཁྲི་སྒྲུབ་པ་དང་རྒྱུན་ལྡན་འཚོ་བའི་ཁྲོད་ནས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པ་དང་མི་རིགས་མཐུན་སྒྲིལ་ཡར་ཐོན་ལ་སྐུལ་སྤེལ་གཏོང་བའི་དཔེ་སྟོན་སྣེ་ཁྲིད་ཀྱི་ནུས་པ་འདོན་སྤེལ་བྱེད་དགོས།
第四十三条 各级人民代表大会和县级以上人民代表大会常务委员会依照法定职权，在各项工作中落实铸牢中华民族共同体意识、推进中华民族共同体建设的要求。
དོན་ཚན་ཞེ་གསུམ་པ། རིམ་པ་ཁག་གི་མི་དམངས་འཐུས་མིའི་ཚོགས་ཆེན་དང་རྫོང་རིམ་པ་ཡན་གྱི་མི་དམངས་འཐུས་མིའི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་ཁྲིམས་བཀོད་འགན་དབང་ལྟར། ལས་དོན་སྣ་ཚོགས་ཁྲོད་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པ་དང་། ཀྲུང་ཧྭ་མི་རིགས་གཅིག་མཐུན་ཚོགས་པའི་འཛུགས་སྐྲུན་སྐུལ་འདེད་ཀྱི་བླང་བྱ་དོན་འཁྱོལ་བྱ་རྒྱུ།
第四十四条 工会、共产主义青年团、妇女联合会、工商业联合会、文学艺术界联合会、作家协会、科学技术协会、归国华侨联合会、台湾同胞联谊会、残疾人联合会和其他群团组织，应当发挥各自优势，面向所联系的领域开展铸牢中华民族共同体意识工作，团结所联系的群体为中华民族共同体建设贡献力量。
དོན་ཚན་ཞེ་བཞི་པ། བཟོ་ཚོགས་དང་། གུང་ཁྲན་རིང་ལུགས་གཞོན་ནུ་ཚོགས་པ། བུད་མེད་མཉམ་འབྲེལ་ལྷན་ཚོགས། བཟོ་ཚོང་ལས་རིགས་མཉམ་འབྲེལ་ལྷན་ཚོགས། རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས། རྩོམ་པ་པོའི་མཐུན་ཚོགས། ཚན་རིག་ལག་རྩལ་མཐུན་ཚོགས། རྒྱལ་ནང་དུ་ལོག་པའི་ཕྱིར་སྡོད་རང་མིའི་མཉམ་འབྲེལ་ལྷན་ཚོགས། སྤུན་ཟླ་ཐའེ་ཝན་པའི་མཛའ་འབྲེལ་ལྷན་ཚོགས། དབང་པོ་སྐྱོན་ཅན་མཉམ་འབྲེལ་ལྷན་ཚོགས། མང་ཚོགས་ཚོགས་པའི་རྩ་འཛུགས་གཞན་དག་བཅས་ཀྱིས་སོ་སོའི་དགེ་མཚན་འདོན་སྤེལ་བྱས་ཏེ། འབྲེལ་གཏུག་བྱེད་སའི་ཁྱབ་ཁོངས་ལ་ཕྱོགས་ནས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པའི་ལས་ཀ་སྤེལ་བ་དང་། འབྲེལ་གཏུག་བྱེད་སའི་ཚོགས་སྤྱིར་མཐུན་སྒྲིལ་བྱས་ནས་ཀྲུང་ཧྭ་མི་རིགས་གཅིག་མཐུན་ཚོགས་པ་འཛུགས་སྐྲུན་བྱེད་པར་སྟོབས་ཤུགས་འབུལ་དགོས།
第四十五条 企业事业组织应当遵守社会公德，履行社会责任，将铸牢中华民族共同体意识的要求融入业务培训、文化建设等活动中，促进民族团结进步。
དོན་ཚན་ཞེ་ལྔ་པ། ཁེ་ལས་དང་བྱ་ལས་རྩ་འཛུགས་ཀྱིས་སྤྱི་ཚོགས་ཀྱི་སྤྱི་པའི་སྤྱོད་བཟང་བརྩི་སྲུང་དང་། སྤྱི་ཚོགས་ཀྱི་འགན་འཁྲི་བསྒྲུབས་ཏེ། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པའི་བླང་བྱ་དེ་ལས་སྒོའི་གསོ་སྦྱོང་དང་རིག་གནས་འཛུགས་སྐྲུན་སོགས་ཀྱི་བྱེད་སྒོའི་ནང་བཅུག་ནས་མི་རིགས་མཐུན་སྒྲིལ་ཡར་ཐོན་ལ་སྐུལ་སྤེལ་གཏོང་དགོས།
行业协会、商会、学会和基金会等社会组织，应当将铸牢中华民族共同体意识的要求，体现在行业自律规范、职业道德准则或者组织章程中，结合业务工作促进民族团结进步。
ལས་རིགས་མཐུན་ཚོགས་དང་། ཚོང་ཚོགས། སློབ་ཚོགས། ཐེབས་རྩ་ཚོགས་པ་སོགས་སྤྱི་ཚོགས་རྩ་འཛུགས་ཀྱིས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པའི་བླང་བྱ་དེ་ལས་རིགས་ཀྱི་རང་གཅུན་ཚད་གཞི་དང་། ལས་རིགས་ཀུན་སྤྱོད་ཀྱི་ཚད་གཞིའམ་ཡང་ན་རྩ་འཛུགས་ཀྱི་སྒྲིག་ཡིག་བཅས་ཀྱི་ནང་མཚོན་པར་བྱས་ཏེ། ལས་སྒོའི་ལས་དོན་དང་ཟུང་འབྲེལ་བྱས་ནས་མི་རིགས་མཐུན་སྒྲིལ་ཡར་ཐོན་ལ་སྐུལ་སྤེལ་གཏོང་དགོས།
第四十六条 宗教团体、宗教院校和宗教活动场所，应当开展铸牢中华民族共同体意识宣传教育，坚持我国宗教中国化方向，引导宗教与社会主义社会相适应，引导宗教教职人员、信教群众弘扬爱国主义传统，促进民族和睦、宗教和顺、社会和谐。
དོན་ཚན་ཞེ་དྲུག་པ། ཆོས་ལུགས་ཚོགས་པ་དང་། ཆོས་ལུགས་སློབ་གླིང་དང་སློབ་གྲྭ། ཆོས་ལུགས་བྱེད་སྒོ་སྤེལ་ས་བཅས་ཀྱིས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པའི་དྲིལ་བསྒྲགས་སློབ་གསོ་སྤེལ་བ་དང་། རང་རྒྱལ་གྱི་ཆོས་ལུགས་ཀྲུང་གོ་ཅན་གྱི་ཁ་ཕྱོགས་རྒྱུན་འཁྱོངས་བྱེད་པ། ཆོས་ལུགས་དང་སྤྱི་ཚོགས་རིང་ལུགས་ཕན་ཚུན་འཚམ་མཐུན་ཡོང་བར་ཁྲིད་སྟོན་བྱེད་པ། ཆོས་ལུགས་ཆོས་དོན་མི་སྣ་དང་དད་ལྡན་མང་ཚོགས་ཀྱིས་རྒྱལ་གཅེས་རིང་ལུགས་ཀྱི་སྲོལ་རྒྱུན་དར་སྤེལ་གཏོང་བར་ཁྲིད་སྟོན་བཅས་བྱས་ནས་མི་རིགས་འཆམ་མཐུན་དང་། ཆོས་ལུགས་མཐུན་འགྲིག སྤྱི་ཚོགས་ཞི་མཐུན་བཅས་ཡོང་བར་སྐུལ་སྤེལ་གཏོང་དགོས།
第四十七条 基层人民政府应当对居民委员会、村民委员会开展铸牢中华民族共同体意识工作给予指导、支持和帮助。
དོན་ཚན་ཞེ་བདུན་པ། སྡོད་དམངས་ཨུ་ཡོན་ལྷན་ཁང་དང་གྲོང་མིའི་ཨུ་ཡོན་ལྷན་ཁང་གིས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པའི་ལས་དོན་སྤེལ་བར་གཞི་རིམ་མི་དམངས་སྲིད་གཞུང་གིས་མཛུབ་སྟོན་དང་། རྒྱབ་སྐྱོར། རོགས་རམ་བཅས་བྱེད་དགོས།
居民委员会、村民委员会应当推动在居民公约、村规民约中体现铸牢中华民族共同体意识的要求，支持和引导各族群众增进团结、互相尊重、互相帮助，促进共同进步。
སྡོད་དམངས་ཨུ་ཡོན་ལྷན་ཁང་དང་གྲོང་མིའི་ཨུ་ཡོན་ལྷན་ཁང་གིས་སྡོད་དམངས་སྤྱི་ཆིངས་དང་གྲོང་སྲོལ་དམངས་ཆིངས་ནང་དུ་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པའི་བླང་བྱ་མཚོན་པར་སྐུལ་འདེད་གཏོང་བ་དང་། མི་རིགས་ཁག་གི་མང་ཚོགས་ཀྱིས་མཐུན་སྒྲིལ་དམ་ཟབ་དང་། ཕན་ཚུན་ལ་བརྩི་འཇོག ཕན་ཚུན་ལ་རོགས་རམ་བཅས་བྱེད་པར་རྒྱབ་སྐྱོར་དང་ཁྲིད་སྟོན་བྱས་ཏེ། མཉམ་དུ་ཡར་ཐོན་ཡོང་བར་སྐུལ་སྤེལ་གཏོང་དགོས།
第四十八条 军队依照本法和有关法律规定，结合国防活动开展铸牢中华民族共同体意识宣传教育，充分利用自身资源保障中华民族共同体建设，巩固和发展军政军民团结，维护国家统一和安全。
དོན་ཚན་ཞེ་བརྒྱད་པ། དམག་དཔུང་གིས་བཅའ་ཁྲིམས་འདི་དང་དེ་བཞིན་འབྲེལ་ཡོད་བཅའ་ཁྲིམས་ཀྱི་གཏན་འབེབས་ལྟར། རྒྱལ་སྲུང་བྱེད་སྒོ་དང་ཟུང་འབྲེལ་བྱས་ཏེ་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པའི་དྲིལ་བསྒྲགས་སློབ་གསོ་སྤེལ་བ་དང་། རང་ངོས་ཀྱི་ཐོན་ཁུངས་བེད་སྤྱོད་གང་ལེགས་བྱས་ཏེ། ཀྲུང་ཧྭ་མི་རིགས་གཅིག་མཐུན་ཚོགས་པ་འཛུགས་སྐྲུན་བྱེད་པར་འགན་སྲུང་བྱེད་པ་དང་། དམག་སྲིད་བར་དང་དམག་དམངས་བར་གྱི་མཐུན་སྒྲིལ་སྲ་བརྟན་དང་གོང་འཕེལ་གཏོང་བ། རྒྱལ་ཁབ་ཀྱི་གཅིག་གྱུར་དང་བདེ་འཇགས་སྲུང་སྐྱོང་བཅས་བྱེད་དགོས།
第四十九条 国家将铸牢中华民族共同体意识的要求贯穿干部的培养、选拔、使用和管理全过程，加强民族地区干部队伍建设，重视培养和使用少数民族干部。
དོན་ཚན་ཞེ་དགུ་པ། རྒྱལ་ཁབ་ཀྱིས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པའི་བླང་བྱ་དེ་ལས་བྱེད་པ་གསོ་སྐྱོང་དང་། འདེམ་སྒྲུག བཀོལ་སྤྱོད། དོ་དམ་བཅས་ཀྱི་བརྒྱུད་རིམ་ཧྲིལ་པོར་ཁྱབ་པར་བྱས་ཏེ། མི་རིགས་ས་ཁུལ་གྱི་ལས་བྱེད་དཔུང་སྡེའི་འཛུགས་སྐྲུན་ལ་ཤུགས་རྒྱག་པ་དང་། གྲངས་ཉུང་མི་རིགས་ཀྱི་ལས་བྱེད་པ་གསོ་སྐྱོང་དང་བཀོལ་སྤྱོད་བྱེད་པར་མཐོང་ཆེན་བྱ་རྒྱུ།
国家支持民族地区专业技术人才和高技能人才的培养，推动民族地区之间、民族地区与其他地区之间的干部和人才交流，引导干部和人才向民族地区基层流动。
རྒྱལ་ཁབ་ཀྱིས་མི་རིགས་ས་ཁུལ་གྱི་ཆེད་ལས་ལག་རྩལ་ཤེས་ལྡན་མི་སྣ་དང་ལག་རྩལ་མཐོ་བའི་ཤེས་ལྡན་མི་སྣ་གསོ་སྐྱོང་བྱེད་པར་རྒྱབ་སྐྱོར་བྱས་ཏེ། མི་རིགས་ས་ཁུལ་བར་དང་། མི་རིགས་ས་ཁུལ་དང་ས་ཁུལ་གཞན་དག་བར་གྱི་ལས་བྱེད་པ་དང་ཤེས་ལྡན་མི་སྣའི་སྤེལ་རེས་ལ་སྐུལ་འདེད་གཏོང་བ་དང་། ལས་བྱེད་པ་དང་ཤེས་ལྡན་མི་སྣ་མི་རིགས་ས་ཁུལ་གྱི་གཞི་རིམ་དུ་སྐྱོད་པར་ཁྲིད་སྟོན་བྱ་རྒྱུ།
第五十条 县级以上人民政府应当将铸牢中华民族共同体意识、促进民族团结进步工作纳入国民经济和社会发展规划及年度计划，将相关工作经费列入预算。
དོན་ཚན་ལྔ་བཅུ་པ། རྫོང་རིམ་པ་ཡན་གྱི་མི་དམངས་སྲིད་གཞུང་གིས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པ་དང་། མི་རིགས་མཐུན་སྒྲིལ་ཡར་ཐོན་ལ་སྐུལ་སྤེལ་གཏོང་བའི་ལས་དོན་དེ་རྒྱལ་དམངས་དཔལ་འབྱོར་དང་སྤྱི་ཚོགས་གོང་དུ་སྤེལ་བའི་འཆར་འགོད་དང་དེ་བཞིན་ལོ་འཁོར་འཆར་གཞིའི་ནང་འཇུག་པ་དང་། འབྲེལ་ཡོད་ལས་ཀའི་འགྲོ་གྲོན་སྔོན་རྩིས་ནང་འཇུག་དགོས།
县级以上人民政府财政部门依法开展资金使用等情况的指导和监督。
རྫོང་རིམ་པ་ཡན་གྱི་མི་དམངས་སྲིད་གཞུང་གི་ནོར་སྲིད་སྡེ་ཁག་གིས་ཁྲིམས་ལྟར་མ་དངུལ་བེད་སྤྱོད་སོགས་ཀྱི་གནས་ཚུལ་ལ་མཛུབ་སྟོན་དང་ལྟ་སྐུལ་བྱེད་དགོས།
第五十一条 国家将民族事务纳入共建共治共享的社会治理机制，加强组织协调和基层治理力量，强化科技支撑，提升社会治理效能。
དོན་ཚན་ང་གཅིག་པ། རྒྱལ་ཁབ་ཀྱིས་མི་རིགས་ལས་དོན་དེ་མཉམ་སྐྲུན་མཉམ་སྐྱོང་མཉམ་སྤྱོད་བཅས་ཀྱི་སྤྱི་ཚོགས་བཅོས་སྐྱོང་ལམ་སྲོལ་ནང་དུ་བཅུག་སྟེ། སྒྲིག་འཛུགས་མཐུན་སྦྱོར་དང་གཞི་རིམ་བཅོས་སྐྱོང་བྱེད་པར་ཤུགས་རྒྱག་པ་དང་། ཚན་རྩལ་གྱི་འདེགས་སྐྱོར་བྱེད་ཤུགས་ཆེ་རུ་གཏོང་བ། སྤྱི་ཚོགས་བཅོས་སྐྱོང་གི་ཕན་ནུས་ཆེ་རུ་གཏོང་བ་བཅས་བྱ་རྒྱུ།
第五十二条 国务院有关部门和地方各级人民政府应当贯彻总体国家安全观，健全民族领域重大事项请示报告制度，加强对民族领域重大风险隐患的排查、识别、评估、预警和处置，提升防范化解风险的能力，维护国家安全和社会稳定。
དོན་ཚན་ང་གཉིས་པ། རྒྱལ་སྲིད་སྤྱི་ཁྱབ་ཁང་ཁོངས་འབྲེལ་ཡོད་སྡེ་ཁག་དང་ས་གནས་མི་དམངས་སྲིད་གཞུང་རིམ་པ་ཁག་གིས་སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བ་ལག་ལེན་མཐར་ཕྱིན་བྱས་ཏེ། མི་རིགས་ཁྱབ་ཁོངས་ཀྱི་དོན་དག་གལ་ཆེན་དགོངས་སྐོར་སྙན་སེང་ཞུ་བའི་ལམ་ལུགས་ཆ་ཚང་དུ་གཏོང་བ་དང་། མི་རིགས་ཁྱབ་ཁོངས་ཀྱི་ཉེན་ཁ་དང་མངོན་མེད་རྐྱེན་ངན་ཚབས་ཆེན་རྩད་ཞིབ་དང་། ངོས་འཛིན། དཔྱད་དཔོག ཉེན་ཟོན། ཐག་གཅོད་བཅས་བྱེད་པར་ཤུགས་རྒྱག་པ། ཉེན་ཁ་སྔོན་འགོག་དང་སེལ་ཐབས་བྱེད་པའི་ནུས་པ་ཆེ་རུ་བཏང་ནས་རྒྱལ་ཁབ་ཀྱི་བདེ་འཇགས་དང་སྤྱི་ཚོགས་བརྟན་བརླིང་སྲུང་སྐྱོང་བྱེད་དགོས།
第五十三条 地方各级人民政府和有关机关应当加强矛盾纠纷预防和化解能力建设，发挥多元化纠纷解决机制的作用，准确认定纠纷的性质，依法处理和化解纠纷，维护民族团结。任何组织和个人不得以民族身份、风俗习惯、宗教信仰等为由，故意引发或者激化矛盾，扰乱公共秩序。
དོན་ཚན་ང་གསུམ་པ། ས་གནས་མི་དམངས་སྲིད་གཞུང་རིམ་པ་ཁག་དང་འབྲེལ་ཡོད་ལས་ཁུངས་ཀྱིས་འགལ་བ་དང་རྩོད་གཞི་སྔོན་འགོག་དང་སེལ་ཐབས་བྱེད་པའི་ནུས་པ་འཛུགས་སྐྲུན་ལ་ཤུགས་རྒྱག་པ་དང་། རྩོད་གཞི་ཐག་གཅོད་ལམ་སྲོལ་སྣ་མང་ཅན་གྱི་ནུས་པ་འདོན་སྤེལ་བྱེད་པ། རྩོད་གཞིའི་ངོ་བོ་ངོས་འཛིན་ཡང་དག་བྱེད་པ། ཁྲིམས་ལྟར་རྩོད་གཞི་ཐག་གཅོད་དང་སེལ་ཐབས་བཅས་བྱས་ནས་མི་རིགས་མཐུན་སྒྲིལ་ལ་སྲུང་སྐྱོང་བྱེད་དགོས། རྩ་འཛུགས་གང་དང་མི་སྒེར་སུ་ཞིག་ཡིན་རུང་མི་རིགས་ཀྱི་ཐོབ་ཐང་དང་། ཡུལ་སྲོལ་གོམས་གཤིས། ཆོས་ལུགས་དད་མོས་སོགས་ལ་ཁ་གཡར་ནས། བསམ་བཞིན་འགལ་བ་སློང་བའམ་ཡང་ན་འགལ་བ་ཛ་དྲག་ཏུ་བཏང་སྟེ་སྤྱི་པའི་སྒྲིག་ལམ་དཀྲུག་མི་ཆོག
第五十四条 公民对破坏民族团结进步的行为有权进行投诉和举报，对国家机关及其工作人员不履行或者不正确履行铸牢中华民族共同体意识、促进民族团结进步法定职责的行为有权进行检举。
དོན་ཚན་ང་བཞི་པ། སྤྱི་དམངས་ལ་མི་རིགས་མཐུན་སྒྲིལ་ཡར་ཐོན་ལ་གཏོར་བརླག་གཏོང་བའི་བྱ་སྤྱོད་ཞུ་གཏུག་དང་ཐེར་འདོན་གོང་ཞུ་བྱེད་དབང་ཡོད་པ་དང་། རྒྱལ་ཁབ་ལས་ཁུངས་དང་དེའི་ལས་བྱེད་མི་སྣས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པ་དང་། མི་རིགས་མཐུན་སྒྲིལ་ཡར་ཐོན་ལ་སྐུལ་སྤེལ་གཏོང་བའི་ཁྲིམས་བཀོད་འགན་འཁྲི་མ་བསྒྲུབས་པའམ་ཡང་ན་ཡང་དག་པར་མ་བསྒྲུབས་པའི་བྱ་སྤྱོད་ཉེས་འདོན་བྱེད་དབང་ཡོད།
违反本法规定，破坏民族团结进步，损害国家利益或者社会公共利益的，人民检察院可以依法提起公益诉讼。
བཅའ་ཁྲིམས་འདིའི་གཏན་འབེབས་དང་འགལ་ཏེ་མི་རིགས་མཐུན་སྒྲིལ་ཡར་ཐོན་ལ་གཏོར་བརླག་གཏོང་བ་དང་། རྒྱལ་ཁབ་ཀྱི་ཁེ་ཕན་ནམ་ཡང་ན་སྤྱི་ཚོགས་ཀྱི་སྤྱི་པའི་ཁེ་ཕན་ལ་གནོད་འཚེ་བཏང་རིགས། མི་དམངས་ཞིབ་དཔྱོད་ཁང་གིས་ཁྲིམས་ལྟར་སྤྱི་ཕན་གཏུག་བཤེར་བྱས་ཆོག
第五十五条 开展民族团结进步示范创建工作，应当突出铸牢中华民族共同体意识的要求。
དོན་ཚན་ང་ལྔ་པ། མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་གསར་འཛུགས་ལས་དོན་སྤེལ་བར་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པའི་བླང་བྱ་འབུར་དུ་ཐོན་དགོས།
对在民族团结进步事业中做出突出贡献的集体和个人，按照国家有关规定给予表彰、奖励。
མི་རིགས་མཐུན་སྒྲིལ་ཡར་ཐོན་བྱ་གཞག་ཁྲོད་བྱས་རྗེས་མངོན་གསལ་དོད་པོ་བཞག་པའི་ཐུན་མོང་དང་མི་སྒེར་ལ་རྒྱལ་ཁབ་ཀྱི་འབྲེལ་ཡོད་གཏན་འབེབས་ལྟར་གཟེངས་བསྟོད་དང་བྱ་དགའ་སྤྲོད་དགོས།
第五十六条 每年9月的第四周为民族团结进步宣传周，国家通过多种形式集中开展铸牢中华民族共同体意识宣传教育活动。
དོན་ཚན་ང་དྲུག་པ། ལོ་རེའི་ཟླ་9པའི་གཟའ་འཁོར་བཞི་པ་ནི་མི་རིགས་མཐུན་སྒྲིལ་ཡར་ཐོན་དྲིལ་བསྒྲགས་གཟའ་འཁོར་ཡིན་ཞིང་། རྒྱལ་ཁབ་ཀྱིས་རྣམ་པ་སྣ་ཚོགས་བརྒྱུད་ནས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་སྐྱེད་པའི་དྲིལ་བསྒྲགས་སློབ་གསོའི་བྱེད་སྒོ་གཅིག་བསྡུས་ཀྱིས་སྤེལ་རྒྱུ།
第六章 法律责任
ལེའུ་དྲུག་པ། ཁྲིམས་འབྲེལ་ཁུར་འཁྲི།
第五十七条 国家机关及其工作人员不履行或者不正确履行本法规定职责的，或者对本法第五十八条、第五十九条、第六十条、第六十一条规定的违法行为未及时予以制止并依法予以处理的，由其主管部门或者有关机关责令改正；造成不良后果或者影响的，对负有责任的领导人员和直接责任人员依法给予处分；构成犯罪的，依法追究刑事责任。
དོན་ཚན་ང་བདུན་པ། རྒྱལ་ཁབ་ལས་ཁུངས་དང་དེའི་ལས་བྱེད་མི་སྣས་བཅའ་ཁྲིམས་འདིའི་ནང་འཁོད་གཏན་འབེབས་ཀྱི་འགན་འཁྲི་མི་བསྒྲུབས་པའམ་ཡང་ན་ཡང་དག་པར་མ་བསྒྲུབས་པའི་རིགས་དང་། ཡང་ན་བཅའ་ཁྲིམས་འདིའི་དོན་ཚན་ང་བརྒྱད་པ་དང་། དོན་ཚན་ང་དགུ་པ། དོན་ཚན་དྲུག་ཅུ་པ། དོན་ཚན་རེ་གཅིག་པ་བཅས་སུ་གཏན་འབེབས་བྱས་པའི་ཁྲིམས་འགལ་བྱ་སྤྱོད་དུས་ཐོག་ཏུ་བཀག་འགོག་མ་བྱས་པ་མ་ཟད་ཁྲིམས་ལྟར་ཐག་གཅོད་མ་བྱས་པའི་རིགས་ལ། དེའི་གཙོ་སྐྱོང་སྡེ་ཁག་གམ་འབྲེལ་ཡོད་ལས་ཁུངས་ཀྱིས་ཡོ་བསྲང་བྱེད་འགན་དཀྲི་རྒྱུ་དང་། མཇུག་འབྲས་ངན་པའམ་ཡང་ན་ཤུགས་རྐྱེན་ངན་པ་བཟོས་རིགས། འགན་འཁྲི་ཡོད་པའི་འགོ་ཁྲིད་མི་སྣ་དང་ཁག་འགན་ཐད་ཀར་འཁུར་བའི་མི་སྣར་ཁྲིམས་ལྟར་ཆད་པ་གཅོད་རྒྱུ་དང་། བྱས་ཉེས་སུ་གྲུབ་རིགས་ལ་ཁྲིམས་ལྟར་ཉེས་འགན་བདའ་འདེད་གཏོང་རྒྱུ།
第五十八条 任何组织和个人违反本法有关规定，破坏民族团结进步的，由县级以上人民政府有关部门按照职责及时予以制止、责令改正，并依法给予处罚。构成违反治安管理行为的，由公安机关依法给予治安管理处罚；构成犯罪的，依法追究刑事责任。
དོན་ཚན་ང་བརྒྱད་པ། རྩ་འཛུགས་གང་དང་མི་སྒེར་སུ་ཞིག་ཡིན་རུང་བཅའ་ཁྲིམས་འདིའི་འབྲེལ་ཡོད་གཏན་འབེབས་དང་འགལ་ཏེ་མི་རིགས་མཐུན་སྒྲིལ་ཡར་ཐོན་ལ་གཏོར་བརླག་བཏང་རིགས། རྫོང་རིམ་པ་ཡན་གྱི་མི་དམངས་སྲིད་གཞུང་གི་འབྲེལ་ཡོད་སྡེ་ཁག་གིས་འགན་འཁྲི་ལྟར་དུས་ཐོག་ཏུ་བཀག་འགོག་དང་ཡོ་བསྲང་བྱེད་འགན་དཀྲི་རྒྱུ་མ་ཟད། ཁྲིམས་ལྟར་ཆད་པ་གཅོད་རྒྱུ། བདེ་སྐྱོང་དོ་དམ་དང་འགལ་བའི་བྱ་སྤྱོད་གྲུབ་རིགས། སྤྱི་བདེ་ལས་ཁུངས་ཀྱིས་ཁྲིམས་ལྟར་བདེ་སྐྱོང་དོ་དམ་ཐད་ཀྱི་ཆད་པ་གཅོད་རྒྱུ། བྱས་ཉེས་སུ་གྲུབ་རིགས་ལ་ཁྲིམས་ལྟར་ཉེས་འགན་བདའ་འདེད་གཏོང་རྒྱུ།
第五十九条 任何组织和个人以民族身份为由实施就业歧视、拒绝提供商品或者服务，或者实施法律法规禁止的其他歧视行为的，由县级以上民族工作、人力资源和社会保障、市场监管等有关部门按照职责责令改正；造成不良后果或者影响的，予以警告或者通报批评。法律法规另有处罚规定的，从其规定。
དོན་ཚན་ང་དགུ་པ། རྩ་འཛུགས་གང་དང་མི་སྒེར་སུ་ཞིག་ཡིན་རུང་མི་རིགས་ཀྱི་ཐོབ་ཐང་ལ་ཁ་གཡར་ནས་ལས་ཞུགས་ལ་མཐོང་ཆུང་བྱེད་པ་དང་། ཚོང་ཟོག་གམ་ཡང་ན་ཞབས་ཞུ་འདོན་སྤྲོད་མི་བྱེད་པ། ཡང་ན་བཅའ་ཁྲིམས་ཁྲིམས་སྲོལ་དུ་གཏན་འགོག་བྱས་པའི་མཐོང་ཆུང་བྱ་སྤྱོད་གཞན་དག་སྤེལ་རིགས། རྫོང་རིམ་པ་ཡན་གྱི་མི་རིགས་ལས་དོན་དང་། མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་། ཚོང་རའི་ལྟ་སྐུལ་དོ་དམ་སོགས་འབྲེལ་ཡོད་སྡེ་ཁག་གིས་འགན་འཁྲི་ལྟར་ཡོ་བསྲང་བྱེད་འགན་དཀྲི་རྒྱུ་དང་། མཇུག་འབྲས་ངན་པའམ་ཡང་ན་ཤུགས་རྐྱེན་ངན་པ་བཟོས་རིགས། ཐ་ཚིག་སྒྲོག་པའམ་ཡང་ན་བརྡ་ཁྱབ་བཏང་ནས་སྐྱོན་བརྗོད་བྱ་རྒྱུ། བཅའ་ཁྲིམས་ཁྲིམས་སྲོལ་ནང་ཆད་པ་གཅོད་པའི་གཏན་འབེབས་ལོགས་སུ་བྱས་ཡོད་རིགས་གཏན་འབེབས་དེ་ལྟར་བྱ་རྒྱུ།
第六十条 社会团体、企业事业组织和其他社会组织对在本单位内发生的破坏民族团结进步的行为，应当及时予以制止；未及时制止，造成不良后果或者影响的，由上级机关或者有关主管部门予以警告或者通报批评，并对直接负责的主管人员和其他直接责任人员依法追究法律责任。
དོན་ཚན་དྲུག་ཅུ་པ། སྤྱི་ཚོགས་ཚོགས་པ་དང་། ཁེ་ལས་དང་བྱ་ལས་རྩ་འཛུགས། སྤྱི་ཚོགས་རྩ་འཛུགས་གཞན་དག་བཅས་ཀྱིས་སྡེ་ཚན་དེ་གའི་ནང་བྱུང་བའི་མི་རིགས་མཐུན་སྒྲིལ་ཡར་ཐོན་ལ་གཏོར་བརླག་གཏོང་བའི་བྱ་སྤྱོད་དུས་ཐོག་ཏུ་བཀག་འགོག་བྱེད་དགོས། དུས་ཐོག་ཏུ་བཀག་འགོག་མ་བྱས་པར་མཇུག་འབྲས་ངན་པའམ་ཤུགས་རྐྱེན་ངན་པ་བཟོས་རིགས། གོང་རིམ་ལས་ཁུངས་སམ་ཡང་ན་འབྲེལ་ཡོད་གཙོ་སྐྱོང་སྡེ་ཁག་གིས་ཐ་ཚིག་སྒྲོག་པའམ་ཡང་ན་བརྡ་ཁྱབ་བཏང་ནས་སྐྱོན་བརྗོད་བྱ་རྒྱུ་མ་ཟད། འགན་ཐད་ཀར་འཁུར་བའི་གཙོ་སྐྱོང་མི་སྣ་དང་ཁག་འགན་ཐད་ཀར་འཁུར་བའི་མི་སྣ་གཞན་དག་ལ་ཁྲིམས་ལྟར་ཁྲིམས་འབྲེལ་ཁུར་འཁྲི་བདའ་འདེད་གཏོང་རྒྱུ།
第六十一条 网络运营者违反本法规定，未履行管理责任的，由网信、电信、公安、国家安全、新闻出版、广播电视等有关主管部门按照职责责令改正；拒不改正或者情节严重的，依法给予处罚。
དོན་ཚན་རེ་གཅིག་པ། དྲ་རྒྱ་གཉེར་སྐྱོང་བྱེད་མཁན་གྱིས་བཅའ་ཁྲིམས་འདིའི་གཏན་འབེབས་དང་འགལ་ཏེ། དོ་དམ་གྱི་འགན་འཁྲི་མ་བསྒྲུབས་པའི་རིགས། དྲ་འཕྲིན་དང་། གློག་འཕྲིན། སྤྱི་བདེ། རྒྱལ་ཁབ་བདེ་འཇགས། གསར་འགྱུར་དཔེ་སྐྲུན། རླུང་འཕྲིན་བརྙན་འཕྲིན་སོགས་འབྲེལ་ཡོད་གཙོ་སྐྱོང་སྡེ་ཁག་གིས་འགན་འཁྲི་ལྟར་ཡོ་བསྲང་བྱེད་འགན་དཀྲི་རྒྱུ་དང་། ཡོ་བསྲང་མི་བྱེད་པའམ་ཡང་ན་ཉེས་ཚབས་ཆེ་རིགས། ཁྲིམས་ལྟར་ཆད་པ་གཅོད་རྒྱུ།
第六十二条 组织、策划、实施暴力恐怖活动、民族分裂活动或者宗教极端活动，构成犯罪的，依法追究刑事责任。
དོན་ཚན་རེ་གཉིས་པ། དྲག་ཤུགས་འཇིགས་སྐུལ་གྱི་བྱེད་སྒོ་དང་། མི་རིགས་ཁ་ཕྲལ་གྱི་བྱེད་སྒོའམ་ཡང་ན་ཆོས་ལུགས་ཐལ་སྐྱོད་ཀྱི་བྱེད་སྒོ་བཅས་སྒྲིག་འཛུགས་དང་། ཇུས་འགོད། ལག་བསྟར་བཅས་བྱས་ཏེ། བྱས་ཉེས་སུ་གྲུབ་རིགས་ལ་ཁྲིམས་ལྟར་ཉེས་འགན་བདའ་འདེད་གཏོང་རྒྱུ།
煽动或者资助实施前款行为，构成犯罪的，依法追究刑事责任。
གོང་གསལ་ནང་གསེས་དོན་ཚན་ནང་འཁོད་བྱ་སྤྱོད་སྤེལ་བར་ངན་སྐུལ་བྱས་པའམ་ཡང་ན་རོགས་དངུལ་སྤྲད་དེ་བྱས་ཉེས་སུ་གྲུབ་རིགས་ལ་ཁྲིམས་ལྟར་ཉེས་འགན་བདའ་འདེད་གཏོང་རྒྱུ།
第六十三条 中华人民共和国境外的组织和个人，针对中华人民共和国实施破坏民族团结进步、制造民族分裂行为的，依法追究法律责任。
དོན་ཚན་རེ་གསུམ་པ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་མངའ་ཁོངས་ཕྱི་རོལ་གྱི་རྩ་འཛུགས་དང་མི་སྒེར་གྱིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ལ་དམིགས་ཏེ་མི་རིགས་མཐུན་སྒྲིལ་ཡར་ཐོན་ལ་གཏོར་བརླག་གཏོང་བ་དང་མི་རིགས་ཁ་ཕྲལ་གྱི་བྱ་སྤྱོད་སྤེལ་རིགས། ཁྲིམས་ལྟར་ཁྲིམས་འབྲེལ་ཁུར་འཁྲི་བདའ་འདེད་གཏོང་རྒྱུ།
第七章 附则
ལེའུ་བདུན་པ། ཞར་བྱུང་དོན་ཚན།
第六十四条 省、自治区、直辖市和设区的市、自治州人民代表大会及其常务委员会，可以结合当地实际情况，制定促进民族团结进步的地方性法规。
དོན་ཚན་རེ་བཞི་པ། ཞིང་ཆེན་དང་། རང་སྐྱོང་ལྗོངས། ཐད་སྐྱོང་གྲོང་ཁྱེར་དང་ཆུས་བཙུགས་པའི་གྲོང་ཁྱེར། རང་སྐྱོང་ཁུལ་བཅས་ཀྱི་མི་དམངས་འཐུས་མིའི་ཚོགས་ཆེན་དང་དེའི་རྒྱུན་ལས་ཨུ་ཡོན་ལྷན་ཁང་གིས་ས་གནས་དེ་གའི་གནས་ཚུལ་དངོས་དང་ཟུང་འབྲེལ་བྱས་ཏེ། མི་རིགས་མཐུན་སྒྲིལ་ཡར་ཐོན་ལ་སྐུལ་སྤེལ་གཏོང་ཕྱོགས་སྐོར་གྱི་ས་གནས་རང་བཞིན་གྱི་ཁྲིམས་སྲོལ་བཟོས་ཆོག
第六十五条 本法自2026年7月1日起施行。
དོན་ཚན་རེ་ལྔ་པ། བཅའ་ཁྲིམས་འདི་2026ལོའི་ཟླ་7ཚེས་1ཉིན་ནས་ལག་ལེན་དུ་བསྟར་རྒྱུ།